சிவனொளிபாதமலை செல்லத் தற்காலிகத் தடை

மத்திய மாகாணத்திலும் நீடித்துவரும் சீரற்ற காலநிலையைக் கருத்திற்கொண்டு இரவு வேளையில் சிவனொளிபாதமலைக்குச் செல்வதற்கு வெளிநாட்டுச் சுற்றுலாப் பயணிகளுக்கு தற்காலிகத்தடை விதிக்கப்பட்டுள்ளது.

சுற்றுலாப் பயணிகளின் பாதுகாப்பைக் கருத்திற்கொண்டே இவ்வாறான தீர்மானம் எடுக்கப்பட்டுள்ளதாக நல்லதண்ணி வனவிலங்குத் திணைக்கள அதிகாரி ஏ.ஆர்.பி.ஏ.கருணாதிலக தெரிவித்ததுடன், சிவனொளிபாதமலைக்குச் செல்வதற்காக ஹட்டன் வழியினூடாக அதிகமான வெளிநாட்டுச் சுற்றுலாப் பயணிகள் வருகை தருவதாகவும், இவ்வாறுவரும் சுற்றுலாப் பயணிகள் அதிகாலையில் சூரிய உதயத்தைக் காண்பதற்காக மாலை வேளையிலேயே சிவனொளிபாதமலை நோக்கிச் செல்வதாகவும் அவர் தெரிவித்தார்.

தற்போது நீடித்துவரும் சீரற்ற காலநிலையால், இரவு வேளையில் சிவனொளிபாத மலைக்குச் செல்வது ஆபத்தானது எனவும், மலைக்குச் செல்ல விரும்பும் வெளிநாட்டுச் சுற்றுலாப் பயணிகள் அதுதொடர்பில் நல்லதண்ணி பொலிஸ் நிலையத்துக்கு அறிவித்துவிட்டு காலை வேளையிலேயே மலை ஏறுமாறும், மாலைக்குள் மலையிலிருந்து கீழிறங்கிவிட வேண்டுமென்றும் வனவிலங்குத் திணைக்கள அதிகாரி ஏ.ஆர்.பி.ஏ.கருணாதிலக தெரிவித்துள்ளார்.

இது குறித்து ஹோட்டல் உரிமையாளர்களுக்கும் அறிவிக்கப்பட்டுள்ளதாக நல்லதண்ணி வனவிலங்குத் திணைக்கள அதிகாரி ஏ.ஆர்.பி.ஏ.கருணாதிலக மேலும் தெரிவித்துள்ளார்.

 

பிந்திய செய்திகள்

சிறப்புச் செய்திகள்

சிறப்பு கட்டுரைகள்

இந்தியச் செய்திகள்

உலகச் செய்திகள்

விளையாட்டு