அரசியல் கைதிகள் விடயத்தில் அரசின் அசமந்தப் போக்கு

தமிழ் அரசியற் கைதிகள் மூவர் உண்ணாவிரதம் மேற்கொண்டு வருகின்றமை தொடர்பில் அரசும், தமிழ்த் தலைமைகளும் பாராமுகமாகவே இருந்து வருவதாக கிழக்குப் பல்கலைக்கழக கலைப்பீட மாணவர் ஒன்றியம் தெரிவித்துள்ளது.

தமிழ் அரசியற் கைதிகளின் உண்ணாவிரதப் போராட்டத்திற்கு ஆதரவு தெரிவித்தும், அவர்களை விடுதலை செய்யக் கோரியும் எதிர்வரும் 23ஆம் திகதி மேற்கொள்ளப்படவுள்ள பேரணி தொடர்பில் கிழக்குப் பல்கலைகழக கலைப்பீட மாணவர் ஒன்றியத்தினால் வெளியிடப்பட்ட ஊடக அறிக்கையிலேயே இவ்வாறு தெரிவிக்கப்பட்டுள்ளதுடன், இலங்கையின் சிறைகளில் பல இடங்களில் தமிழ் அரசியற் கைதிகள் விசாரணைகளின்றி தடுத்து வைக்கப்பட்டு சிறைவாசம் அனுபவித்து வருகின்றனர். இவர்கள் தொடர்பாக எந்த விதமான முன்னேற்றகரமான செயற்பாடுகளையும் அரசு எடுப்பதாகத் தெரியவில்லை.

இதன் செயற்பாடாக வவுனியாவில் இருந்த தமிழ் அரசியற் கைதிகள் மூவரின் வழக்கு அநுராதபுரம் நீதிமன்றத்திற்கு மாற்றப்பட்டுள்ளது. இதனை எதிர்த்துத் தமிழ் அரசியற் கைதிகள் மூவரும் உண்ணாவிரதத்தினை மேற்கொண்டு வருகின்றார்கள். இவர்கள் தொடர்பாக அரசும், தமிழ்த் தலைமைகளும் பாராமுகமாகவே இருந்து வருகின்றன. இதனைக் கண்டித்தும், தமிழ் அரசியற் கைதிகளை நிபந்தனையின்றி விடுதலை செய்ய வேண்டும் என்பதை வலியுறுத்தியும் எதிர்வரும் 23ஆம் திகதி பிற்பகல் 12.00 மணியளவில் கிழக்குப் பல்கலைக்கழக நுழைவாயிலில் இருந்து செங்கலடி பதுளை வீதி சந்தி வரையிலான கண்டனப் பேரணி ஒன்றினை மேற்கொள்ளத் திட்டமிட்டிருப்பதாகவும் தெரிவிக்கப்பட்டுள்ளது.

பிந்திய செய்திகள்

சிறப்புச் செய்திகள்

சிறப்பு கட்டுரைகள்

இந்தியச் செய்திகள்

உலகச் செய்திகள்

விளையாட்டு