ஈரான் ஜனாதிபதியின் மறைவுக்கு ஜனாதிபதி இரங்கல்

முக்கிய செய்திகள் 3

ஜனாதிபதி ரணில் விக்கிரமசிங்க இன்று (22) காலை கொழும்பில் உள்ள ஈரான் தூதரகத்திற்கு விஜயம் செய்து ஈரான் ஜனாதிபதி இப்ராஹிம் ரைசியின் திடீர் மரணம் குறித்து இரங்கல் தெரிவித்தார்.

தூதரகத்திற்கு வருகை தந்த ஜனாதிபதியை இலங்கைக்கான ஈரான் தூதுவர் கலாநிதி அலி ரெசா டெல்கோஷ் மற்றும் பணியாளர்கள் வரவேற்றனர்.

அதன் பின்னர், அங்கு வைக்கப்பட்டிருந்த இரங்கல் குறிப்பேட்டில் குறிப்பொன்றை வைத்துவிட்டு, ஈரான் தூதுவர் மற்றும் ஏனைய மக்களுடன் ஜனாதிபதி குறுகிய உரையாடலில் ஈடுபட்டார்.

ஜனாதிபதி இப்ராஹிம் ரைசியின் திடீர் மரணத்தினால் ஈரான் அரசாங்கத்திற்கும் மக்களுக்கும் தனதும் இலங்கை அரசாங்கமும் மக்களுக்கும் ஆழ்ந்த இரங்கலைத் தெரிவிப்பதாக தெரிவித்தார்.