Day: June 3, 2022

மட்டக்களப்பு,ஜுன் 03 மட்டக்களப்பு கொக்கட்டிச்சோலை பிரதேசத்தில் கடந்த ஒரு மாதத்திற்கு முன்னர் காணாமல் போன 15 வயது சிறுமியை மீட்டதுடன் அந்த சிறுமியை அழைத்துச் சென்ற வவுனியாவைச் சேர்ந்த 42 வயதுடைய ஒருவரை வெள்ளிக்கிழமை (03) கொக்கட்டிச்சோலையில் வைத்து கைது செய்துள்ளதாக பொலிசார் தெரிவித்தனர். குறித்த பிரதேசத்தைச் சேர்ந்த 15 வயது சிறுமி வீட்டில் இருந்த நிலையில் கடந்த ஏப்ரல் 15 ஆம் திகதி காணாமல் போயுள்ளார். இதனையடுத்து பெற்றோர் பொலிஸ் நிலையத்தில் முறைப்பாடு செய்தனர். இந்த […]

கொழும்பு,ஜுன் 03 அரச வைத்தியசாலைகளில் நோயாளர்கள் மற்றும் பணிக்குழாமினருக்கு ஒரு நேர உணவுக்காக வழங்கப்படும் இறைச்சி, மீன் மற்றும் முட்டை என்பன தற்போது நிறுத்தப்பட்டுள்ளதாக தகவல்கள் தெரிவிக்கின்றன. அந்த வைத்தியசாலைகளில் பரிந்துரைக்கப்பட்ட உணவுகளை கூட வழங்க முடியாத நிலை ஏற்பட்டுள்ளதாக தெரிவிக்கப்பட்டுள்ளது. கொழும்பு தேசிய வைத்தியசாலை, களுபோவிலை போதனா வைத்தியசாலை மற்றும் மஹரகம அபேக்ஷா உள்ளிட்ட வைத்தியசாலைகளிலும் இந்த நிலை ஏற்பட்டுள்ளதாக தெரிவிக்கப்பட்டுள்ளது. இதேவேளை, கொழும்பு ரிச்வே சிறுவர் வைத்தியசாலையில் தங்கியிருந்து சிகிச்சை பெறும் சிறுவர்களுக்கு காலை […]

கொழும்பு,ஜுன் 03 கொழும்பு கோட்டை பொலிஸ் பிரிவிற்குட்பட்ட பல வீதிகளுக்கு சனிக்கிழமை (04) ஆர்ப்பாட்டக்காரர்கள் நுழைவதற்கு தடை விதித்து நீதிமன்ற உத்தரவு ஒன்று பெறப்பட்டுள்ளது. அதனடிப்படையில் யோர்க் வீதி, பேங்க் வீதி மற்றும் செத்தம் வீதி உட்பட சில வீதிகளுக்கு நுழைவதற்கு தடை விதிக்கப்பட்டுள்ளது. கோட்டை பொலிஸ் பிரிவுக்குட்பட்ட எந்தவொரு அரச நிறுவனத்திற்கோ அல்லது உத்தியோகபூர்வ இல்லத்திற்கோ நுழைந்து சேதப்படுத்துதல் போன்ற எந்தவொரு சட்டவிரோத செயற்பாடுகளையும் மேற்கொள்ளக்கூடாது எனவும் உத்தரவில் குறிப்பிடப்பட்டுள்ளது.

கொழும்பு,ஜுன் 03 21ஆம் திருத்தச் சட்டம் தொடர்பாக கட்சிகளுக்கு இடையில் பொது இணக்கம் ஏற்பட்டுள்ளதாக தமிழ் முற்போக்கு கூட்டணியின் தலைவரும் நாடாளுமன்ற உறுப்பினருமான மனோ கணேசன் தெரிவித்துள்ளார். பிரதமர் தலைமையில் சனிக்கிழமை இடம்பெற்ற அனைத்து கட்சி தலைவர்களுக்கிடையிலான கூட்டத்தின் போது இந்த இணக்கம் ஏற்பட்டதாக அவர் குறிப்பிட்டுள்ளார். அத்துடன் பிரதமரை பதவி நீக்கும் அதிகாரம் நாடாளுமன்றத்திற்கு மட்டுமே இருக்க வேண்டும் என்ற இணக்கமும் எட்டப்பட்டுள்ளது. தற்போதைய ஜனாதிபதி மட்டுமே பாதுகாப்பு அமைச்சு பதவியை வகிக்கலாம் என்ற இணக்கப்பாடும் […]

கொழும்பு,ஜுன் 03 மே 09 சம்பவம் தொடர்பில் பொலிஸாரினால் முன்னெடுக்கப்படுகின்ற கைது நடவடிக்கைகளை ஏற்றுக்கொள்ள முடியாது என இலங்கை சட்டத்தரணிகள் சங்கம தெரிவித்துள்ளது. இலங்கை சட்டததரணிகள் சங்கம் பொலிஸ் மா அதிபருக்கு அனுப்பிவைத்துள்ள கடிதத்திலேயே அதன் தலைவர் சாலிய பீரிஸ் இதனை தெரிவித்துள்ளார். கடந்த 09 ஆம் திகதி காலிமுகத்திடல் உள்ளிட்ட பல்வேறு பகுதிகளில் ஏற்பட்ட வன்முறை சம்பவங்கள் தொடர்பில் காணொளிகளை ஆதாரமாக கொண்டு பொலிஸார் கைது நடவடிக்கைகளை முன்னெடுத்து வருவதாக கடிதத்தில் குறிப்பிடப்பட்டுள்ளது. இந்த நிலையில் […]

பதுளை,ஜுன் 03 21ஆம் திருத்த சட்டத்தின் கீழ் அமையவிருக்கும் அரசியல் அமைப்பு பேரவையில் சிறுபான்மை மக்களை பிரதிநிதித்துவப்படுத்தும் மூன்று உறுப்பினர்கள் உள்ளடக்கப்பட வேண்டும் என பதுளை மாவட்ட நாடாளுமன்ற உறுப்பினர் அருணாச்சலம் அரவிந்தகுமார் வலியுறுத்தியுள்ளார். இந்த விடயம் தொடர்பில் நீதி அமைச்சர் விஜேயதாச ராஜபக்ஷவிற்கு கடிதம் ஒன்றை அனுப்பியுள்ள அவர், அதன் பிரதிகளை ஜனாதிபதி கோட்டாபய ராஜபக்ஷ, பிரதமர் ரணில் விக்ரமசிங்க, எதிர்கட்சித் தலைவர் சஜித் பிரேமதாச உள்ளிட்டோருக்கும் அனுப்பியுள்ளார். ஜனாதிபதியினால் அரசியல் அமைப்பு பேரவைக்கு ஒருவரை […]

அளுத்கம, ஜுன் 03 அளுத்கம, மொரகல்ல பிரதேசத்தில் வெள்ளிக்கிழமை காலை இடம்பெற்ற துப்பாக்கிச்சூட்டு சம்பவத்தில் உயிரிழந்தவர், போதைப்பொருள் தடுப்பு பிரிவின் அதிகாரிகள் கைப்பற்றிய போதைப்பொருளை மீள விற்பனை செய்த வழக்கின் அரச சாட்சியாளர் என அடையாளம் காணப்பட்டுள்ளது. அளுத்கம, மொரகல்ல பிரதேசத்தில் இன்று காலை துப்பாக்கிச்சூட்டு சம்பவமொன்று இடம்பெற்றிருந்தது. இதில் பேருவளை-மரதான பகுதியைச் சேர்ந்த 47 வயதான ஒருவர் உயிரிழந்திருந்தார்.

கொழும்பு,ஜுன் 03 மருதானை ரயில் நிலையத்திலிருந்து புறப்பட்டுச் சென்ற ரயிலொன்று தடம்புரண்டுள்ளது. மருதானை ரயில் நிலையத்திலிருந்து 200 மீட்டர் தூரத்தில், ரயில் சனிக்கிழமை மாலை தடம்புரண்டதாக ரயில்வே கட்டுப்பாட்டு அறை தெரிவித்தது. மருதானையிலிருந்து புத்தளம் நோக்கிப் பயணித்த ரயிலொன்றே இவ்வாறு தடம்புரண்டுள்ளது. இந்த நிலையில், ரயில் மார்க்கத்தின் ஊடான போக்குவரத்தை வழமைக்குக் கொண்டுவர, உரிய நடவடிக்கைகள் மேற்கொள்ளப்பட்டு வருவதாக, ரயில்வே கட்டுப்பாட்டு அறை மேலும் தெரிவித்தது.